| Inicio » Archivos » Այլ |
Կախում...մի՞թե դա սեր է...
| [ Descargar desde el servidor (24.4 Kb) ] | 2013 Փետրվար 20, 3.13.17 PM |
| Հոգեբանը լուռ նստել էր, իսկ նրա դիմաց անհանգիստ շարժումներ էր անում մի աղջիկ, որը մոտ մեկ ժամ նստած էր այդտեղ: Բժիշկը նայում էր նրան և մտածում . «Այո՛, գեղեցիկ է: Իսկ ինչու ՞ է այստեղ: Ի՞նչ է կորցրել այս հոգեկան հիվանդների միջավայրում»: Նրա ոչ մի հարցին պատասխան չեղավ: Աղջիկը չէր խոսում: Հոգեբանը նայում էր նրա քրտնած ճակատին, իսկ հետո կապույտ աչքերին...զարմանալի է...խոհափիլիսոփայական նայվածք ունի, բայց...ինչո՞ւ չի խոսում: Բժիշկը բազում հարցերով հեղեղում և ժամանակ առ ժամանակ փոթորկում էր երիտասարդ աղջկա խռովված հոգին: -Ի՞նչ է անունդ: Պատասխան չի հնչում: -Ինչո՞ւ ես այստեղ: Նորից ոչ մի բառ: Բժիշկը արդեն վրդովվում էր, երբ հանակարծ լսեց. -Բժիշկ... -Ի՞նչ է, ի՞նչ է: Խոսեք խնդրում եմ ,- հետո վայրկյանապես լռեց և հայացքով հասկացրեց, որ աղջիկը կարող է խոսել: -Բժիշկ գիտեք, ես սխալ բան չեմ արել: Ես սիրահարվել եմ: Օ՜, ոչ սիրում եմ...այո դա ինձ մոտ տենդագին է... Աղջիկը սկսեց կրծել եղունգները, իսկ բժիշկը մոտեցավ և ասաց. -Եվ ի՞նչն է Ձեզ հուզում: -Փոքր է... -Որքա՞ն ,- հարցրեց զարմացած բժիշկը: -Երկու տարով... -Ե՞վ: -Եվ այն, որ նա սիրում է ինձ: Ես նրան, իմ սերը տենդագին է: Ես կախում ունեմ նրանից ՝ կարծես թմրանյութից կամ արկոհոլից: Ես սիրում եմ...ո՛չ, բժիշկ, ես ապրում եմ նրանով... Աղջիկը շարունակ անհանգիստ շարժումներ էր անում, իսկ բժիշկը զննում էր նրան և մտածում. «Արդյո՞ք հոգեկան հիվանդ է»: -Բժիշկ, ես անընդհատ ուզում եմ, որ նա կողքիս լինի: Նա թթվածին է ինձ համար: -Այո...կախում է...փորձեք առանց նրա... Աղջիկը չթողեց, որ նա շարունակի: Կանգնեց, ձեռքը դրեց բժշկի բերանին և ասաց. -Չեմ կարող, պարոն բժիշկ, հասկանո՞ւմ եք: Վերջ ի վերջո մեկը կլինի՞, որ ինձ հասկանա: Բժիշկը ազդվեց: Կարծես նրան վիրավորեցին: -Աղջիկս, հանգիստ եղիր... Նրանք շատ զրուցեցին: Ամենևին տարիքը չէր մեջբերվում, բայց աղջկա տենդը և հակումը դեպի տղան շատ էր շոշափվում: Հետո նա գնաց: Բժիշկը լուռ նստեց, իսկ հետո սկսեց գրի առնել այդ «սեր-կախում» կոչվածը... | |
| Vistas: 208 | Descargas: 9 | Valoración: 0.0/0 | |
| Total de comentarios: 0 | |