Inicio » 2013 Մայիս 17 » Կներեք, որ ձեզ չեմ հասկացել...
1.18.11 PM Կներեք, որ ձեզ չեմ հասկացել... | |
| Կներեք... իրոք ներեք ինձ, ես շատ եմ սխալվել ձեր հարցում: Երբ պետք է եղել օգնել ինձ` դուք չեք զլացել, երբ պետք է եղել հասկանալ ցավս, դուք չեք փնթփնթացել ամեն անգամ, երբ ինչ-որ բան նորից սխալ եմ արել: Դուք ժպիտով ներել եք իմ հիմարությունները, ասել, որ սիրում եք ու միշտ կողքիս եք լինելու: Հիմա հասկանում եմ, ժամանակի ընթացքում ես ինքս, ձեզ ինձնից հեռացրի: Ինչի՞ համար: Այո, ես ինքս չհասկացա, միայն հիմա զգում եմ ` արածս երեխայություն էր: Կներեք ինձ, շատ ժամանակ ես ձեզ չեմ հասկացել: Չեմ հասկացել, որ եթե ասում եք, որ ինչ-որ բան այն չեմ արել ուրեմն իրոք այդպես է, ուրեմն իրոք ինչ-որ տեղ թերացել եմ: Ներեցեք, որ ձեզ չեմ թողել իմ կյանքին խառնվել: Դուք այնքա՜ն լավն եք , իսկ ես այնքա՜ն հիմար եմ եղել: Ես երեխայություններ եմ արել, մեղադրել եմ ձեզ այն ժամանակ, երբ ինձ չեք աջակցել իմ սխալների հարցում: Գիտե՞ք, ես իրոք ընդունում եմ իմ սխալը: Ես իրոք մեծացա, մեծացա այն պահին, երբ հասկացա, որ կարող եմ կորցնել ձեզ: Իմ բարինե՞ր: Շնորհակալ եմ, որ միշտ մնացիք կողքիս, անկախ ամեն ինչից: Երբ շատերը ամեն ինչ արեցին, որ փոխեն ինձ, դուք ուղղակի ընդունեցիք ինձ այնպես ինչպես ես կամ: Ուղղակի ամեն անգամ սխալներիս մասին մերթ բարձրաձայնեցիք, մերթ ուղղակի լռեցիք, մտածելով, որ կարող եմ ինքս հասկանալ: Դուք միշտ ինձ հետ եք եղել, մենք միշտ միասին ենք եղել՝ դեռ մանկուց: Մենք միասին ենք Love is և Turbo ծամոնների թղթերը հավաքել, մենք միասին ենք վարդավառի ժամանակ ջրել բոլոր-բոլոր անծանոթ մարդկանց: Մենք միասին ենք խաղացել հողերով ու կեղտոտվել, անգամ կերել հողը: Միասին ենք ավազից պատրաստել տորթ ու ստիպել իրար ուտել այն: Մենք միասին այնքան բան ունենք հիշելու: Ներեցեք, եթե ուրացել եմ , չեմ նկատել, կույր եմ եղել: Հավատացեք, էդպիսին չեմ , ուղղակի ինչ-ինչ պատճառներով սխալ ճանապարհ էի ընտրել ու չէի գնահատում ձեզ: Ներեցեք, որ օրերով չեմ զանգել ձեզ: Երբ հիվանդ եք եղել , չեմ եկել ձեր տուն և հիմար կատակներ չեմ արել՝ ձեզ ուրախեցնելու համար: Գիտեմ ` սխալ էի: Մնացեք ինձ հետ, որպեսզի ես երբեք էլ չսխալվեմ, որպեսզի ամեն անգամ հիշեմ ձեր վախեցած դեմքերը , այն պահին ,երբ հասկանում էիք, որ կարող եք կորցնել ինձ: Մնացեք ինձ հետ.. Մենք միասին շատ բան կարող ենք փոխել... | |
|
| |
| Total de comentarios: 0 | |